Siglir tar il cuntegn

Header

cuntegn

Grischun Central Nova organisaziun turistica en il Surmeir

Glindesdi è vegnida fundada a Cunter la nova organisaziun «Turissem Savognin Bivio Alvra SA». Ella vul concentrar en l’avegnir las forzas da la vischnanca, las pendicularas e l’economia.

Suenter il process da fusiun da la nova vischnanca Surses, saja ussa era il turissem vegnì restructurà, scriva Savognin Turissem en ina communicaziun. La nova organisaziun turistica vul sa posiziunar sco plattafurma regiunala e s’engaschar anc pli ferm per projects regiunals.

Direcziun pli sperta e professiunala

Cunquai che be pli ina suletta societad è responsabla per la promoziun da projects turistics ed economics, eveniments e communicaziun, vegnia garantida ina direcziun pli sperta e pli professiunala. Presidiada vegn la Turissem Savognin Bivio Alvra SA da Daniel Fischer, vicepresidenta è Eveline Saupper. Al cussegl d’administraziun sa participeschan ulteriuras tschintg persunas da l’economia e da la vischnanca.

RR novitadss 17:00

Artitgels legids il pli savens