Siglir tar il cuntegn

Header

Navigaziun

La regenza sustegna era ina fusiun cun mo trais vischnancas empè da quatter.
Legenda: La regenza sustegna era ina fusiun cun mo trais vischnancas empè da quatter. Grafica - RTR
cuntegn

Grischun Central Nova emprova da fusiun en Valragn

La stad da l’onn passà è vegnida refusada la fusiun da las quatter vischnancas dal Valragn. Ussa datti gia ina nov'emprova da fusiunar, questa giada però senza Sufers. Il december vegn votà.

Dentant che Valragn, Nufenen e Spleia avevan cleramain approvà la fusiun l’onn passà, aveva Sufers ditg cleramain na a la fusiun. Cun ina nova votaziun da fusiun senza Sufers, veglian els uss dar la pussaivladad al suveran da decider davart ina fusiun senza Sufers, ha ditg Monika Lorez-Meuli che maina la gruppa da project. Il termin da la votaziun è gia vegnì fixà sin ils 8 da december da quest onn.

Saira d'infurmaziun cun Barbara Janom Steiner

Ils 9 da november datti ina saira d’infurmaziun cun la scheffa dal departament da finanzas e vischnancas, Barbara Janom Steiner. Cun tge import dal chantun che las trais vischnancas da fusiun pon quintar, n’è per il mument betg anc cler. Cler è gia che la chanzlia communala duai esser a Spleia.

RR actualitad 07:20