Siglir tar il cuntegn
cuntegn

Grischun Central Nova basa d'ambulanza a Bravuogn

A Bravuogn vegn staziunada in’ambulanza durant la stagiun d’enviern. Sco quai ch’il spital da Tusaun scriva en ina communicaziun, saja in team dal spital da Tusaun adina preschent a Bravuogn durant las uras d’avertura da la via da scarsolar.

Il directur dal spital da Tusaun ensemen cun il manader da l'anestesia ed ambulanza Ebbo Aalders.
Legenda: Il directur dal spital da Tusaun ensemen cun il manader da l'anestesia ed ambulanza Ebbo Aalders. mad

I sa tracta d’in project d’emprova. La primavaira vegnan las experientschas examinadas ed i vegn decidì co ch’i duai ir enavant cun il servetsch d’urgenza. Enfin ussa partevan ils medis d’Alvagni e da Bravuogn il servetsch d’urgenza. Cun quai che la pratica ad Alvagni duai vegnir serrada, resta mo pli in medi en Val d’Alvra. Quai pretendia ina nova schliaziun, scriva il spital. Tenor il Spital Tusaun na possia l’ambulanza betg cuvrir tut ils custs, il spital da Tusaun surpiglia il ristg finanzial.