Siglir tar il cuntegn

Grischun Central Nov tetg per la chasa «Yo quiero ser»

Ils 9'226 francs che duas mattas surmiranas han rimnà per la chasa d’uffants «Yo quiero ser» en las Honduras, vegnan duvrads per ina renovaziun d’in tetg e per nutriment. Quai ha ditg Patricia Scarpatetti da Cunter, che maina dapi nov onns la chasa per uffants povers.

Patricia Scarpatetti cun ses figl Juan Carlo.
Legenda: Patricia Scarpatetti cun ses figl Juan Carlo sin visita a Savognin. RTR, F. Belotti

Sco quai che Patricia Scarpatetti ha ditg envers RTR, saja ella fitg cuntenta da survegnir ina donaziun uschè generusa: «Sco emprim stuain nus ussa urgentamain far in nov tetg en ina sala nua ch’ils pli pitschens uffants vivan». Suenter in di cun blera plievgia saja l’entir tetg crudà ensemen. Ella quinta cun ina investiziun da radund 2’000 francs.

L’autra part dals daners vul ella duvrar per victualias per ils 44 uffants ch’abitan il mument en la chasa d’uffants «Yo quiero ser», il link avra en ina nova fanestra. «Las pli grondas expensas avain nus per il nutriment – quel è fitg char, plinavant avain nus en las Honduras in’auta chareschia». Pasts sauns sajan fitg impurtants per ils uffants, uschia daventan els era pli pauc malsauns, ha Patricia Scarpatetti ditg plinavant.

Lavur da diplom da duas Surmiranas

Cun sunar la tiba en differents lieus dal Grischun han Jvana Netzer da Savognin e Martina Bläsi da Vaz rimnà daners per «Yo quero ser». Quai han ellas fatg en il rom d’in project da matura en la sparta economia.

Legende: Video Tibar per gidar abspielen. Laufzeit 01:58 Minuten.
Or da sil punct dals 26.07.2016.

RR actualitad saira 17:00

Discurs Patricia Scarpatetti

Il 2014 è Patricia Scarpatetti che maina la chasa d'uffants en las Honduras discurrì cun RTR en l'emissiun dals Cuntrasts. Cun in clic sin quest text vegnis vus direct sin l'emissiun.