Siglir tar il cuntegn

Grischun Central Nov schlantsch per la scuntrada da guggas

Suenter avair organisà la festa durant tschintg onns, surdat l’Uniun NAGT «Nationales Alp Guggenmusik Treffen» l’organisaziun da l'eveniment a la gugga dal Surses «Ils Fetters Sursetters».

Ils Fetters Sursetters organiseschan il NAGT.
Legenda: Ils Fetters Sursetters organiseschan il NAGT. RTR, Federico Belotti

Sco quai ch’il president dals Fetters Sursetters Fernando Bonifazi ha ditg, sajan quest onn 13 guggas da la partida. Ins haja betg inventà da nov l’occurenza da tradiziun, ins veglia cuntinuar cun il concept ch’haja sa cumprovà, midadas dettia quai mo paucas. En tut sa participeschan dapli che 500 persunas a l’eveniment. Quel cumenza sonda ils 10 da favrer il suentermezdi a las trais sin plazza Grava, la saira a partir da las otg cumenza la concurrenza da guggas en sala Grava. La dumengia èn las guggas a partir da las 11 a Tigignas en il territori da skis.

Fernando Bonifazi, il president dals Fetters Sursetters.
Legenda: Fernando Bonifazi, il president dals Fetters Sursetters. RTR, Federico Belotti