Siglir tar il cuntegn

Grischun Central Nov center da transit per requirents d'asil a Spleia

Sco quai che la regenza grischuna scriva en ina communicaziun prendia il chantun a fit l'hotel Pratigiana a Spleia.

Legende: Video Nov center da transit per requirents d'asil a Spleia abspielen. Laufzeit 00:16 Minuten.
Or da sil punct dals 19.08.2016.

Quest nov center da transit a Spleia duai dentant pir vegnir duvrà cura che tschels centers da transit grischuns sajan plains. Cun il center a Spleia vul il chantun esser preparà per il cas ch'il dumber da requirents d'asil che vegnan partids tiers da la Confederaziun variass fitg. Uschia possia vegnir evità da stuair dar suttetg a requirents d'asil en indrizs da la protecziun civila.

En il nov center da transit a Spleia preveda il chantun da dar alloschi a famiglias cun uffants che n'èn betg ogligads d'ir a scola, sco er a persunas che vivan sulettas.

Il Grischun tschertga novas pussaivladads,tranter auter perquai ch'il contract per il center da transit da Schiabach a Tavau scada definitivamain il cumenzament dal 2017, uschia ch'il center Schiabach vegn serraus. Il contract da locaziun per il center a Tavau era gia vegnì prolungà pliras giadas a curta vista. Ultra da quai sajan tschels centers gia occupads bain.

RR novitads 10:00++