Siglir tar il cuntegn
Inhalt

Grischun Central Nov bus vers il Lai da Vons

A partir da l’emprim da fanadur datti in bus da viandar che va da Sufers enfin tar il Lai da Vons. Il bus che cursescha sin dumonda vegn finanzià da la vischnanca da Sufers e dal Parc Natiral Beverin.

Il Lai da Vons sa chatta sin territori da la vischnanca dad Andeer.
Legenda: Il Lai da Vons sa chatta sin territori da la vischnanca dad Andeer. mad, Erica Nicca

Sco quai ch’il Parc Natiral Beverin scriva en ina communicaziun, cursescha il bus las fins d’emna sco era il prim d’avust. Durant la stagiun auta cursescha il bus era la mesemna. Il bus parta mintgamai da Sufers a las 10.05 ed arriva in quart d'ura pli tard da manaivel dal Lai da Vons sin 1991 meters sur mar.

Pli simpel da cuntanscher chamona Cufercal

Tenor il Parc Natiral Beverin saja la chamona Cufercal uschia cuntanschibla pli spert. Il bus sto vegnir reservà la saira avant enfin las otg tar l’interpresa da transports Herbert Michael. Per creschids custa in viadi sis francs ed uffants a partir da sis onns pajan la mesadad. Tut tenor tge frequenzas ch'il bus ha, custa il manaschi dal bus tranter 3'000 e 5'000 francs per l'onn 2017, han communitgà ils responsabels.