Siglir tar il cuntegn

Header

Visualisaziun dal project da hotel da quatter stailas a Savognin.
Legenda: Visualisaziun dal project da hotel da quatter stailas a Savognin. mad
cuntegn

Grischun Central Nagins recurs cunter dumonda da bajegiar hotel a Savognin

A la via principala da Savognin duess vegnir construì in nov hotel da 4 stailas. Cunter la dumonda da bajegiar n’hai dà nagins recurs, scriva la Pagina da Surmeir.

Sco quai che Marco Guetg da l’uffizi da construcziun da Savognin ha ditg sin dumonda da RTR, stoppia il patrun da construcziun anc inoltrar intgins documents. Cura ch’il dossier saja cumplet, possian is dar la lubientscha da bajegiar.

L’architect Willy Ebneter vul bajegiar in hotel cun 35 suitas cun total 70 letgs, ina sala, in restaurant, ina gronda terrassa, ina lounge da fimar ed in local da seminari. Plinavant duai quai dar in center da wellness cun sauna, bogn e whirlpool.

RR novitads 12:00