Tenor Peter Nicolay, il president communal da Bravuogn, na faschessi betg senn da mantegnair il rumantsch sco lingua uffiziala en la vischnanca fusiunada. Gia oz na vegnia il rumantsch betg pli applitgà per affars da vischnanca. Quai haja era da far cun il persunal, che na discurria gnanc rumantsch.
audio
Bravuogn-Filisur, tge capita cun il rumantsch?
ord RTR Audio dals 08.01.2016.
laschar ir. Durada: 2 minutas 54 Secundas.
Autra muntada
Sco quai che Simon Theus da l’uffizi da vischnancas ha ditg, duai il rumantsch tuttina avair ina muntada en la vischnanca fusiunada. Uschia pudess el s’imaginar, da cuntinuar en scola cun lecziuns en rumantsch. Era l’archiv da Bravuogn, che sa chattia il mument en in mal stan, pudess vegnir spendrà e revitalisà. Far translaziuns en rumantsch che na vegnian gia oz betg fatgas pli, portian nagut, è l’accumpagnader da la fusiun da l’avis.