Siglir tar il cuntegn
Inhalt

Grischun Central Nagin revival d’ina viafier tras las alps

La regenza grischuna na vul betg elavurar da nov l'idea d'ina viafier orientala da las Alps che colliass Cuira cun Milaun.

Il Gottard vegn era en l'avegnir ad esser la ruta principala tras las alps.
Legenda: Il Gottard vegn era en l'avegnir ad esser la ruta principala tras las Alps. Federico Belotti

Tut tenor la varianta custass ina tala colliaziun tranter 20 e 28 milliardas francs, respunda la regenza sin in'incumbensa ord il Cussegl grond. Ins saja conscient da la muntada d'ina buna colliaziun cun las metropolas vischinas. Da realisar in tal project fiss però in act da forza naziunal ed europeic e strusch da dumagnar. La regenza grischuna propona perquai da refusar l'incumbensa.