Siglir tar il cuntegn
Inhalt

Grischun Central Nagin palpiri da luxus pli per La Pagina da Surmeir

A partir da l’emna proxima cumpara La Pagina da Surmeir cun in palpiri pli satigl. Il motiv per questa midada èn raschuns finanzialas. L’Uniun Rumantscha da Surmeir URS, ch’edescha la gasetta regiunala, spargna uschia radund 10'000 francs ad onn.

Ediziun da La Pagina da Surmeir.
Legenda: La pli nova ediziun da La Pagina da Surmeir. mad

Da nov vegn la gasetta betg pli stampada cun il sistem dad offset a Cuira, mabain sin la maschina da rotaziun a Haag, en il chantun Son Gagl. Cun quella midada vegn la gasetta stampada sin in palpiri pli satigl, il format da la gasetta resta dentant il medem.

Autras midadas pussaivlas per La Pagina da Surmeir

Diversas gruppas da lavur da la Lia Rumantscha èn il mument vidlonder d'elavurar in concept per l’avegnir da las medias rumantschas. Era La Pagina da Surmeir che cumpara en sia 72avla annada è involvida en quest process. Sco ch’ella vegnia a resortir da l’entira discussiun saja il mument anc pauc concret, è plinavant da leger en la Pagina da Surmeir ch’è cumparida la gievgia. La midada dal palpiri n’haja da far nagut cun questas discussiuns.