Siglir tar il cuntegn

Grischun Central «Nagin donn finanzial pervi da concurs da Pitsch»

Il concurs da l’interpresa da construcziun Andrea Pitsch SA ha consequenzas era per ils patruns da construcziun. RTR ha visità a Cunter in client ch’è vegnì davent cun in egl blau.

Questa chasa a Cunter en il Surses sto vegnir terminada senza la firma Pitsch.
Legenda: Questa chasa a Cunter en il Surses sto vegnir terminada senza la firma Pitsch. RTR, Federico Belotti

«Jau sun spaventà, cura che la firma Pitsch m’ha telefonà oz per dir ch'jau stoppia tschertgar ina nova firma per finir las lavurs», ha ditg Robert Wagner che construescha actualmain ina chasa a Cunter.

El saja dentant vegnì davent cun in egl blau. Fin ussa haja el mo paja las lavurs che sajan gia vegnidas fatgas. Bun in quart da l’incumbensa da radund 100’000 francs na saja anc betg fatga, uschia ch'el stoppia oramai tschertgar ina nova firma per finir las lavurs enturn la chasa sco planar e far in mir. Robert Wagner è consternà, ch’ina firma gronda saja ida concurs, fin oz eran quai mo las pitschnas, ha ditg l’um da 75 onns envers RTR.

RR actualitad 17:00