Siglir tar il cuntegn

Header

audio
Mezdi: Rumantsch en vischnanca da Schons
Or da Actualitad dals 04.12.2019. Maletg: RTR
laschar ir. Durada: 2 minutas 52 Secundas.
cuntegn

Grischun Central «Muntogna da Schons» vul metter gronda paisa sin rumantsch

La lingua uffiziala da la vischnanca fusiunada duai esser rumantsch e tudestg. Lingua da scola è rumantsch. Plinavant duai vegnir scrit en il contract da fusiun che la vischnanca fusiunada «Muntogna da Schons» è da lingua rumantscha. Ella s’oblighescha da cultivar e promover il rumantsch.

Mardi saira ha la gruppa da project che prepara la fusiun elavurà a Donat ina proposta da lingua per il contract da fusiun. Cun quai che la lingua uffiziala duai vegnir definida cun rumantsch e tudestg, duai per exempel la pagina d’internet da la vischnanca e documents impurtants vegnir publitgads biling. Betg anc decidì è en tge lingua che la radunanza communala duess vegnir manada. La primavaira proxima decidan las vischnancas da Casti-Vargistagn, Donat, Lon e Maton davart la fusiun.

Carta geografica da las vischnancas en Val Schons
Legenda: Las vischnancas pli «ritgas» na fan betg part a la fusiun. Grafica RTR
audio
Per tadlar curt e cumpact
ord Actualitad dals 04.12.2019. Maletg: RTR
laschar ir. Durada: 54 Secundas.

RTR actualitad 06:00

Artitgels legids il pli savens