Siglir tar il cuntegn

Header

video
La «tur alva» a Mulegns – il pli nov plan da Giovanni Netzer e sia Fundaziun Origen
Or da Telesguard dals 22.06.2021.
laschar ir. Durada: 3 minutas 34 Secundas.
cuntegn

Mulegns Origen vul «stampar» ina tur alva

Il festival cultural Origen ha preschentà il mardi ses novs plans: Dasper l'hotel Liun vul Origen fabritgar cun ina tecnologia digitala ina tur alva da betun. Las lavurs da construcziun duain cumenzar la stad da l’auter onn. La tur che custa radund 3,5 milliuns francs resta lura per tschintg onns.

La nova tur duess scriver vinavant l’istorgia da Mulegns ed interpretar da nov quella. Previs èsi che installaziuns d’art, turas auditivas e preschentaziuns da teater vegnan realisadas en quella tur.

En la sala cun ina cupla duess pender ina tribuna che porscha ina vista sin il vitg e tschiffa la saira ils davos radis dal sulegl, scriva Origen en ina communicaziun. Il project vegn fatg en stretga collavuraziun cun la Scola politecnica federala da Turitg.

A la preschentaziun dal mardi èn stads tranter auter il president da la Confederaziun Guy Parmelin, il president da la regenza grischuna, Mario Cavigelli, l’architect e professur da la scola politecnica federala, Benjamin Dillenburger, e divers presidents communals dal Grischun.

audio
Mulegns: Quant persistenta e la nova «tur alva» temporara d'Origen?
ord Actualitad dals 22.06.2021.
laschar ir. Durada: 3 minutas 42 Secundas.

RTR actualitad 12:00 / 17:00

Artitgels legids il pli savens