Entant sajan mo pli 3 persunas blessadas grev ed ospitalisadas, hai gì num a la conferenza da medias. Ier eran anc 5 persunas blessadas grevamain. Las lavurs progredeschan Entant che la locomotiva era gia vegnida messa la notg passada sin ils binaris, e lura charrada davent, èn las forzas da salvament londervi da rumir la bova e segirar il lieu per preparar ils cundrizs per allontanar ils vaguns ch'eran siglids or dals binaris. Quai surtut cun ina crana per ils 2 vaguns ch'èn anc en la vischinanza dal trassé.
Tar il vagun ruclà 10 meters la spunda engiu n'èsi anc betg cler, co dustar el. La partiziun infrastructura da la Viafier retica ha anc dad evaluar pliras pussaivladads pli spezialas. Reavertura il pli baud sonda che vegn Cunquai ch'ils binaris pon vegnir reparads pir suenter che tut ils vaguns èn dustads, quinta la Retica d'avair finì las lavurs pir sin sonda che vegn. Fin lura vegnia il traject da Samedan a Cuira a restar serrà.
Schliaziuns per ils viads da la Viafier retica
Entant ch'il traject da la Viafier retica resta serrà, recumonda la viafier las suandontas pussaivladadas per viandar:
- a Tusaun: pigliar la S2 a Tusaun che parta da Cuira mintgamai a las xx:58
- a Casti: pigliar l'auto da posta regular da Cuira direcziun Lai-Casti
- a Filisur / Bravuogn: pigliar la S2 via Tusaun e vinavant cun il bus spezial direcziun Bravuogn
- en l'Engiadina: via Vereina
- Glacier e Bernina Express: vegnan sviads via Vereina
RR novitads 06:00