Siglir tar il cuntegn
Inhalt

Grischun Central Mintga di en viadi cul crocodil

Tranter ils 10 da matg ed ils 28 d’october da quest onn curseschan mintga di ed en mintga direcziun duas giadas trens istorics tranter Tavau e Filisur. La cumposiziun consista d’ina locomotiva dal tip crocodil, e chars istorics da l’emprima e terza classa, in vagun da rauba ed in char avert.

Il viadi cuzza mintgamai radund 40 minutas, e va tras la chavorgia da Zügen, sur il viaduct da Tain/Wiesen. Per far in viadi en ils vaguns istorics ch’èn per part dapli che 100 onns vegls, basta in bigliet normal, i na dat nagin supplement.

Cun excepziun dals 8 – 11 da zercladur curseschan ils trens durant l’entira stad. Là vegnan las cumposiziuns dal tren duvradas per las festivitads da 10 onns patrimoni mundial Unesco en l’Engiadina.

RR Actualitad 17:00