Siglir tar il cuntegn

Header

cuntegn

Grischun Central Miniera Bellaluna en decadenza

Las ruinas da la miniera d’antruras da Filisur èn periclitadas da sbalunar. Per spendrar ils mirs da l’anteriura miniera, vegnan ussa rimnads daners.

audio
Acziun da spendrar la miniera Ballaluna
ord Actualitad dals 07.08.2017.
laschar ir. Durada: 2 minutas 38 Secundas.

Sper la via chantunala tranter Filisur e Bravuogn èn da vesair mirs, che derivan d’ina anteriura miniera, nua ch’i vegniva gudagnà minerals metallics or d’in grond furn. La miniera da Bellaluna vegniva probabel nizzegiada gia en il quindeschavel tschientaner. La davosa giada è vegnì gudagnà metals enturn l’onn 1840, cura che la fabrica è ida concurs. Dapi il 1982 stat il bajetg sut la protecziun da monuments.

Per spendrar ils vegls mirs da l’anteriura miniera, duessan vegnir investids 380’000 francs. La Protecziun da monuments sa participescha cun 30% vi dals custs. L’uniun Amis da las minieras en il Grischun ha lantschà ensemen cun l’uniun Parc Ela e la vischnanca da Filisur in’acziun per rimnar daners.

Artitgels legids il pli savens