Siglir tar il cuntegn
Inhalt

Grischun Central Mesiras repressivas en il Grischun – er Realta vegn perscrutà

Tenor l’istoricra Tanja Rietmann è l’oriunda chasa da correcziun Realta in cas interessant per la perscrutaziun. A partir da la mesadad dal 19avel tschientaner han las autoritads grischunas pudì internar a Realta persunas «negligentas» ed uschenumnads «mitschafadias».

Isch che vegn avert.
Legenda: Er a Realta èn persunas vegnidas internadas a partir dal 19avel tschientaner. Keystone

Cun quai tutgava il Grischun tar in dals emprims chantuns che disponiva da talas mesiras repressivas per motivs da provediment.

Sin incumbensa da la regenza grischuna han Tanja Rietmann ed il center interdisciplinar per la perscrutaziun da las schlattainas da l’universitad da Berna intercurì las actas uffizialas en connex cun las mesiras repressivas per motivs da provediment.

Proxima primavaira vegnan publitgads ils resultats dals studis, che è pensads sco lavur da basa per ulteriuras lavurs scientificas sin il champ da las mesiras repressivas e dals plazzaments d’uffants en il Grischun.

RR actualitad 08:00