Siglir tar il cuntegn
Inhalt

Grischun Central Maton: Chasa da la musica rumantscha

La chasa paterna da Tumasch Dolf duai vegnir transfurmada en ina chasa culturala. La «Tgea da tgànt» duai attrair chors, persunas da la cultura e fans da la musica rumantscha.

Legende: Video Chasa da la musica a Maton abspielen. Laufzeit 02:56 Minuten.
Or da Telesguard dals 31.10.2016.

Sin incumbensa da la Protecziun da la patria grischuna ha l’architect da Haldenstein fatg plans, co ch’ins savess transfurmar l’anteriura chasa e la stalla da Tumasch Dolf, en ina chasa culturala.

Ils plans prevesan da far ord la stalla in salv, nua che musicas da l’entira Svizra pon vegnir ad exercitar. La chasa duai vegnir renovada e duvrada sco museum da la musica rumantscha. Ultra da quai duai dar in’abitaziun, che po vegnir prendida a tschains da persunas, che vulan per exempel realisar projects culturals.

Tenor Julian Reich, che maina il project ed incumbensà da la Cultura Viamala, ins saja actualmain vi da elavurar in businessplan. Quel duai esser a fin la fin da quest onn. Cun la finanziaziun ins veglia cumenzar l’entschatta da l’auter onn. Ils custs da renovaziun muntan a 2.8 milliuns francs.

Purtader dal project è il Parc Natiral Beverin. Tenor Lilian Würth ins haja fatg ina retschertga tar 140 chors da la Svizra. Igl haja dà blers resuns positivs, blers hajan gia mussà l’interess da vegnir a Maton per intgins dis a chantar.