Siglir tar il cuntegn

Grischun Central Mastergn e commerzi sustegnan Leo Thomann

L’Uniun da mastergnants e commerzi Surses ha nominà Leo Thomann per l’uffizi sco president da la vischnanca Surses.

Leo Thomann da Parsonz.
Legenda: Leo Thomann da Parsonz è stà dal 1997 enfin il 2010 deputà en il Cussegl grond. mad

La nominaziun dal selvicultur da 59 onns saja succedida unanimamain, scriva l’Agentura da novitads rumantscha.

Per la nova suprastanza ha l’Uniun da mastergnants e commerzi Surses nominà Filip Dosch da Cunter, Karin Hersche da Savognin e Toni Sonder da Salouf.