Siglir tar il cuntegn
Inhalt

Grischun Central Marsch da protesta tras l’entira Svizra

Cun il marsch da protesta «Bainvegni fugitivs marsch» vul ina gruppaziun enturn la deputada dal Cussegl grond dal chantun Tessin Lisa Bosia Mirra (PS) render attenta la populaziun a la politica da migraziun. Quella saja tenor ils organisaturs dal marsch manglusa.

Avant trais emnas ha la dretgira penala da Bellinzona condemnà Lisa Bosia Mirra, perquai ch’ella ha gidà l'onn passà a fugitivs illegalmain sur il cunfin svizzer. Ella sto pajar ina multa.

Actualmain realisescha ella in project: Tgi che vul duai sa participar ad in marsch da 1'000 kilometers per inscuntrar e visitar la populaziun, instituziuns uffizialas ed instituziuns per requirents d’asil.

Tranter auter vegn pretendì, ch’ils cunfins duessan s’avrir e che dumondas d’asil refusadas hajan ina fin. Plinavant vegn protestà cunter la politica da controlla e persecuziun. Actualmain è il marsch da protesta sin viadi tras il Grischun.

RR actualitad 12:20