Siglir tar il cuntegn

Header

cuntegn

Mantogna / Heinzenberg Avertura d’ina nova senda da pelegrinadi

Sin la Mantogna datti ina nova attracziun turistica. Ina senda circulara cun il num «Pelegrinadi» colliescha las baselgias da Preaz, Sarn, Purtagn, Flerda, Tschappina e Tartar. Lantschà il project han las plaivs refurmadas da la Mantogna e da Cazas.

Lung da la senda da viandar datti diversas installaziuns. En la baselgia da Preaz èsi per exempel pussaivel da far in pitschen curs da rumantsch, nua ch’ins po emprender pleds en il rumantsch da la Mantogna. Sur ina app èsi era pussaivel da survegnir ulteriuras infurmaziuns sur da persunalitads da la Mantogna, per exempel dad Anna Capadrutt, ch’ha vivì tranter ils onns 1925 e 1985 a Preaz. Tar tut ils lieus visitads èsi pussaivel da far in bul da regurdientscha.

L’avertura da la senda da pelegrinadi è dumengia ils 4 d’october en la baselgia da Sarn.

audio
Senda da baselgias a Praez
ord Total local dals 02.10.2020.
laschar ir. Durada: 3 minutas 50 Secundas.

RTR actualitad 11:45

Artitgels legids il pli savens