Siglir tar il cuntegn

Grischun Central Loipas dal Tour de Ski 2016 vegnan preparadas

Il Tour de Ski festivescha quest onn ses 10avel giubileum. Las trais emprimas etappas cumenzan a Lai, ed han lieu dal prim fin ils 3 da schaner 2016. Actualmain marschan las preparativas.

Sco quai che Urs Baselgia, il schef da la loipa dal Tour de Ski ha ditg, hajan ins ussa gia preparà bun la mesadad dals 5 kilometers loipa che stoppian vegnir preparads.

Era sch’i n’avess betg da dar naiv nova natirala, na saja quai franc nagin problem. Adina cura ch'i saja pussaivel fetschian ins naiv artificiala. Perquai che las temperaturas sajan actualmain in pau memia chaudas, possian ins però far pli pauca naiv che sch’i fiss pli fraid, uschia Urs Baselgia.

Voluntaris sajan s’annunziads passa che 300, dapli na dovria quai betg pli. Ils organisaturs quintan cun ina gronda participaziun da l’elita mundiala.