Siglir tar il cuntegn
cuntegn

Grischun Central Local stabel per giuvenils dal Surses

A Savognin duai dar in local stabel per giuvenils. La vischnanca da Surses è sin la tschertga d’ina immobiglia adattada.

Nua ch'i dat in lieu d'inscunter per ils scolars n'è betg anc decidì.
Legenda: Nua ch'i dat in lieu d'inscunter per ils scolars n'è betg anc decidì. RTR, Federico Belotti

Sco quai che Giancarlo Torriani, suprastant da la vischnanca Surses e president dal cussegl da scola, ha ditg, ins saja il mument sin la tschertga d’in local stabel a Savognin. Ins saja en discurs cun differents locaturs. Realistic saja che sin l’entschatta da l’auter onn daventass il lieu d’inscunter per giuvenils realitad. La dumonda stoppia anc ir davant la radunanza communala. Gia fundada è ina cumissiun cun represchentants da vischnanca e geniturs.