Siglir tar il cuntegn
cuntegn

Grischun Central Lia inaugurescha nov domicil en Sutselva

Mardi saira ha la Lia Rumantscha inaugurà ses nov domicil en il Center da Capricorns a Vargistagn. Cun la midada da Ziràn a Vargistagn s’intensivescha la collavuraziun cun il Center da Capricorns, il Parc natiral Beverin e la Scola auta turitgaisa per scienzas applitgadas.

Da san.: Urs Cadruvi, secretari general LR, Sina-Mara Hassler, promotura regiunala LR, Sutselva, Carmen Dedual, manadra Regiuns LR
Legenda: Da san.: Urs Cadruvi, secretari general LR, Sina-Mara Hassler, promotura regiunala LR, Sutselva, Carmen Dedual, manadra Regiuns LR Mattias Nutt

Tenor ina communicaziun da la Lia Rumantscha saja la raschun per la serrada dal biro a Ziràn, ch’il center da Capricorns cun hotel ed ustaria saja in lieu d’inscunter, cun dar suttetg a differentas interpresas. La nova collavuratura regiunala da la Lia, Sina-Mara Hassler veglia intensivar ils contacts tranter Rumantschs e na-Rumantschs, organisar scuntradas e cafés Rumantschs en la regiun e tgirar ils contacts cun la scola ed ils projects surregiunals sco per exempel l’occurenza da scriver «Plima d’aur».