Siglir tar il cuntegn
cuntegn

Grischun Central Leasing per ovras solaras

Investir en energia solara, daventa adina pli popular. Dal stadi datti subvenziuns. Tgi che n’ha betg ils daners per cumpar in’ovra fotovoltaica, po er prender a fit l’ovra. Ina da las interpresas che porscha quest service, è la Rhiienergie da la Val dal Rain.

Venanzi Pfister da la Rhiienergie davant in auto electric.
Legenda: Venanzi Pfister da la Rhiienergie davant in auto electric. RTR, Federico Belotti

Sco quai che Venanzi Pfister, il manader da la vendita ha ditg, hajan els dapi il 2015 installà 64 indrizs solars. 35 clients hajan piglià a fit ils implants solars, e 19 hajan cumprà l’implant solar. Ils contracts da leasing cuzzan 15 onns, e suenter va l’ovra solara en il possess dal client.

Ils avantatgs dal leasing sajan tranter auter, ch’il leasing cumpiglia era in abo da service ed ina garanzia sur l’entira durada dal leasing, ha ditg Venanzi Pfister. Tgi che cumpra l’implant solar, quel profitescha dentant d’in pretsch final pli bas.

En il Grischun datti era autras firmas che porschan in leasing dad ovras solaras. En Surselva èn quai per exempel la Lumnezia Solar u la Societad Ovra electrica Lumbrein, che collavurescha cun la Rhiienergie.

RR actualitad 08:00