Siglir tar il cuntegn
Inhalt

Grischun Central «Las Sorts» da Filisur gudogna premi Bio-Grischun

Il bain biologic Las Sorts da Filisur ha gudagnà il premi Bio-Grischun 2016. Quai ha confermà Marcel Heinrich, il pur da tartuffels da Filisur. Il bain producescha 34 sorts tartuffels en Val d’Alvra.

Marcel Heinrich e sia partenaria Sabina survegnan il Premi Bio-Grischun 2016.
Legenda: Marcel Heinrich e sia partenaria Sabina survegnan il Premi Bio-Grischun 2016. mad

Il premi survegnan persunas u organisaziuns, ch'èn s’engaschadas da maniera extraordinaria per il svilup da l’agricultura biologica en Grischun.

L'onn 2016 in premi da 2'016 francs

Legende: Video Ils tartuffels da Filisur - in TSG dals 20-09-2011 abspielen. Laufzeit 03:03 Minuten.
Or da RTR dals 12.02.2016.

Il premi è dotà mintg'onn cun la cifra da l’onn, quest onn èn quai damai 2016 francs.Cun ils daners veglia Marcel Heinrich organisar ina festa per tut ses gidanters sin il bain da tartuffels.

Sper 34 sorts differentas da tartuffels venda il bain “Las Sorts” era charn, latg, ovs ed auters products biologics.

Ulteriurs nominads per il premi Bio-Grischun da quest onn eran Erwin Vincenz cun ses engaschi per la medischina omeopatica, e las butias dal bain puril dal Plantahof pervia da lur sortiment da products biologics.