Siglir tar il cuntegn

Header

cuntegn

Grischun Central «Las Sorts» a Filisur è cuntent cun racolta da tartuffels

Il bain puril da tartuffels «Las Sorts» a Filisur è cuntent cun la racolta da quest onn. Malgrà ch’ins haja cun 40-50 tonnas racoltà bun 20 tonnas pli paucs tartuffels che l’onn passà, saja la qualitad buna.

Perquai che la stad passada è stada fitg sitga, ins haja savens gì da sauar ils tartuffels, ha ditg Sabina Heinrich dal bain puril. Bain sajan ils tartuffels pli pitschens che l’onn passà, ma la qualitad saja fitg buna. Gist ustarias hajan schizunt pli gugent ils tartuffels pli pitschens ch’ils gronds.

Gia ussa ins saja quasi vendì ora, ed ins haja schizunt gì da dir giu a differents interessents, ha ditg la pura da Filisur. Era sch’i haja dà pli paucs tartuffels quest onn, ins saja fitg cuntent cun la vendita da quest onn.

tartuffels dal bain Las Sorts.
Legenda: tartuffels dal bain Las Sorts. MAD
audio
Il bain Las Sorts è cuntent cun la racolta da tiffels
ord Actualitad dals 08.10.2015.
laschar ir. Durada: 2 minutas 34 Secundas.

Artitgels legids il pli savens