Siglir tar il cuntegn

Header

Navigaziun

La sutgera da Savognin a Tigignas è bloccada per il mument.
Legenda: Il territori da skis da Savognin ha il mument nagin current electric. RTR, F. Belotti
cuntegn

Grischun Central Las pendicularas da Savognin stattan eri

Dapi mardi da mezdi è la sutgera tranter Savognin e Tigignas bloccada.

A Savognin han las Pendicularas da cumbatter il mument cunter in problem tecnic. Cun excepziun d’in runal a Radons è l’entir manaschi interrut. Quai conferma la dicrectura Manuela Seeli.

Dapi mardi mezdi n’haja nagina electricitad en il territori da skis, era betg en las ustarias. «Ils tecnichers da las pendicularas tschertgan ensemen cun collavuraturs da las Ovras electricas da Turitg, nua ch’i saja il problem». Suenter possia ins analisar tge che sajan las consequenzas da l’incap, ha ditg la directura.

Ils sportists d’enviern che han cumprà ina carta dad ir cun skis, possian restituir lur bigliet a la cassa. Persunas bloccadas n’haja quai betg dà sin las 2 sutgeras ed en la pendiculara, cun quai ch’ins haja pudì laschar ir quellas cun in motor da diesel, enfin che la glieud haja pudì sortir, ha ditg Manuela Seeli.

Betg pertutgà da l’interrupziun dal current è la vischnanca da Savognin.