Siglir tar il cuntegn

Grischun Central Lantsch: Gea ad ina fabrica da naiv regalada

Il suveran da Lantsch ha approvà da surpigliar la snow factory da la Biatlon Arena Lai SA, e da dar a fittanza quella ensemen cun l'arena da biatlon. Omaduas fatschentas han ils da Lantsch approvà cleramain.

Ina part dal vitg da Lantsch
Legenda: 36 votants e votantas an visità la radunanza communala da Lantsch da la mesemna. RTR, Federico Belotti

Plinavant ha la radunanza communala da Lantsch approvà la mesemna il reglament dal fond d'infrastructura per turissem. Ils daners or da quest fond vegnan duvrads per segirar zonas da sport, per construir, engrondir e mantegnair implants da sport e turissem. La summa che vegn impundida mintg'onn persuenter vegn fixada en il preventiv e munta a maximalmain 50’000 francs, sco la vischnanca scriva.

Ina dumonda dispitaivla

Ultra da quai ha il president communal da Lantsch stuì decider cun sia vusch da tagl davart in credit da 50’000 francs per il provediment d'aua, damai che la votaziun aveva manà ad ina situaziun da pat.

RR novitads 17:00