Avant circa in’emna aveva il cussegl communal da Vaz refusà la lescha communabla cun Vaz e Curvalda. Ils da Lantsch han approvà quella lescha che vul far pli transparent nua ch’ils daners da la taxa da turissem van. Uschia duai quella taxa vegnir incassada en furma d’ina taxa pauschala e betg pli sco taxa da giasts. Uschia è la vischnanca da Lantsch l’emprima da las trais vischnancas da la destinaziun turistica Lai che ha approvà la nova lescha da turissem che sa basa per gronda part sin la proposta da muster dal chantun, scriva la vischnanca da Lantsch.
Approvà il quint 2019
Las convischinas ed ils convischins da Lantscha han ultra da quai approvà il quint dal 2019. Quel serra cun in gudogn da 213’853 francs. Ultra da quai ha la radunanza communala da Lantsch approvà ina summa da credits d’investiziun da radund 1,05milliuns francs. Tranter auter per la cumpra da novs quintaders d’electricitad, per bajegiar enavos las tschiffaballas dal stan da sajettar e per il fit dal provisori da scola.
