Siglir tar il cuntegn

Grischun Central Lai: Nov manader da marketing

Marc Schlüssel è il nov manader da marketing e communicaziun da la Lai Marketing e support SA (LMS). El succeda ad Andreas Wirth che banduna la LMS sin la fin d’october, scriva l’interpresa en ina communicaziun.

Marc Schlüssel entra en uffizi probabel a partir dal fanadur, nua ch’el surpiglia la gestiun operativa da la partiziun da marketing da Lai. Actualmain lavura el tar la Swiss Sports Publishing GmbH a Tavau, nua ch’el è responsabel per ina plattafurma d’internet da cudeschar vacanzas da mountainbike en diversas destinaziuns dal Grischun. Ordavant ha Marc Schlüssel lavurà en differentas interpresas da turissem.