Siglir tar il cuntegn

Header

Legums frestgs
Legenda: RTR, Federico Belotti
cuntegn

Lai Hotels vendan products frestgs

Pervia dal coronavirus han las ustarias stuì serrar lur portas, ed era ils hotels ch’han anc avert, dovran pli paucas mangiativas. Perquai è a Lai vegnida lantschada ina vendita da mangiativas, per impedir che mangiativas vegnan sfarlattadas.

Quatter manaschis da Lai sa participeschan vida questa acziun. Vendids vegnan products frestgs che na pon betg vegnir conservads. En vendita va biera, latg, verdura, salata, jogurts sco era tut ils auters products frestgs. Per pudair garantir la distanza necessaria cun la glieud che vegn a cumprar, han las venditas lieu en il liber nua ch’igl ha avunda plaz, plinavant n’han betg tuttas venditas lieu il medem temp.

Vi da l’acziun sa participeschan il Hotel Lenzerhorn Spa & Wellness ed il Café Senda, qua ha la vendita lieu oz mardi da las 10:00 – 13:00 sin terrassa dal Café Senda.

La vendita en il Posthotel Valbella e da la Brasserie Romana è tranter las 13:00 – 16:00 sin la terrassa da la Brasserie Romana.

Artitgels legids il pli savens

Ir a sanester Ir a dretg