Siglir tar il cuntegn
cuntegn

Grischun Central La Scuntrada a Tinizong dovra in nov ustier

Per l’ustaria e butia «La Scuntrada» a Tinizong vegn tschertgà in nov manader. L’Uniun da promoturs «La Scuntrada» ha desditg il contract cun l’ustier Uwe Schlomann, ch’ha cumenzà il fanadur.

Ustaria «La Scuntrada» a Tinizong
Legenda: Per l'ustaria cun butia «La Scuntrada» a Tinizong vegn tschertgà in nov manader. RTR, Federico Belotti

Sco quai che l’uniun «La Scuntrada» scriva a ses commembers, n'adempleschia l’ustier betg las pretensiuns dal contract d’affittaziun. Pervia da quai vegnia il contract schlià sin la fin da matg 2017. Sco quai che l’uniun scriva, haja ella survegnì differentas reclamaziuns pertutgant in’organisaziun manglusa, in service plaun, pretschs memia auts, purziuns memia pitschnas ed in sortiment da la butia memia pitschen.

Proximamain vegn la plazza scritta ora. Midadas hai era dà en la suprastanza da l’uniun: Meinrad Poltera surpiglià il presidi ad interim da Tina Nüesch.

«La Scuntrada» è vegnida finanziada da l’anteriura vischnanca Tinizong-Rona. Ils custs èn stads rodund dus milliuns francs.