Siglir tar il cuntegn

Header

Navigaziun

Kevin Hischke e Dominique Schrotter gudognan "Mini Beiz - Dini Beiz".
Legenda: Kevin Hischke e Dominique Schrotter gudognan "Mini Beiz - Dini Beiz". RTR, T. Poltera
cuntegn

Grischun Central La Riva gudogna

L’ustaria La Riva a Lai plascha als giasts regulars da Mini Beiz dini Beiz. Ils giasts han dà a l’ustaria da Kevin Hischke e Dominique Schrotter ils pli bler puncts. La victoria en la seria da la televisiun SRF ha er in effect positiv per il affar.

Mini Beiz, Dini Beiz tavla d'onuraziun.
Legenda: Tavla Mini Beiz, Dini Beiz tavla d'onuraziun. RTR, T. Poltera

La reclama saja nunpajabla, il effect fitg positiv ed ils resuns tras e tras buns. E che l’emissiun «Mini Beiz – dini Beiz» saja vegnida emessa la fin da schaner avant il temp da vacanzas saja natiralmain stà ina casualitad perfetga dian Schrotter e Hischke. Els han avant dus onns surpiglià l’ustaria, han già 14 puncts Gault Millau, ma cun la victoria en la televisiun sajan tuttenina 20 % dapli giasts en ustaria, spezialmain da mezdi.