Siglir tar il cuntegn

Header

video
Stop da planisaziun da La Nars
Or da Telesguard dals 27.09.2022.
laschar ir. Durada: 2 minutas 54 Secundas.
cuntegn

«La Nars» Savognin Critica envers la vischnanca e la cumissiun da gestiun

Suenter il na dal suveran ed il stop da planisaziun per il center da sport datti critica envers la vischnanca.

  • Il 25 da settember ha il suveran refusà in credit supplementar dad 1,5 milliuns francs per il center da sport «La Nars» a Savognin.
  • Per il bajetg principal dal center da sport vala perquai t in stop da planisaziun
audio
La Nars: renfatschas envers la GPK e la vischnanca
ord Actualitad dals 28.10.2022. Maletg: RTR
laschar ir. Durada: 4 minutas 17 Secundas.

Mario Dosch da Tinizong crititgescha l’agir da la vischnanca. Quella n'avess betg pudì cumenzar a bajegiar l'arena da sport. Perquai che la vischnanca haja gia tar l'emprima badigliada savì, ch'ils 4,5 milliuns francs na tanschian betg per realisar l'entir project. Ussa stoppia la fatschenta puspè ir en votaziun cun in project redimensiunà. Leo Thomann, il president communal da Surses ha ditg envers RTR ch'els sajan il mument vi d'in project redimensiunà. Sch'ins restia en il rom da 4,5 milliuns francs approvads dal suveran, alura na stoppia il nov project eventualmain betg pli ir en votaziun.

Critica er envers la cumissiun da gestiun

La cumissiun da gestiun saja il mument en stretg contact cun la suprastanza communala. In conflict d'interess sco pretendì da Mario Dosch, na vesa il president da la cumissiun da gestiun (GPK) Urs Guetg betg. Quai conferma era l'Uffizi da vischnancas dal Grischun. Thomas Kollegger, il schef da l'uffizi scriva ad RTR, ch'el haja legì ils protocols da la vischnanca da Surses, ina irregularitad u conflicts d'interess n'haja el betg constatà.I vegn anc construì a fin quai ch'è cumenzà a Savognin. Quai èn ils magazins e plazs da garascha sut la plazza da sport multifuncziunala ch'è la stad ina plazza da tennis e l'enviern ina plazza da glatsch.

Suveran na dat betg dapli daners

Avrir la box Serrar la box

Il suveran da Surses ha refusà ils 25 da settember a l'urna in credit supplementar dad 1,1 milliun francs per l'Arena da sport «La Nars» a Savognin – e quai cun 57,6% da las vuschs. La vischnanca aveva argumentà ch'ils 4,5 milliuns francs ch'il suveran aveva approvà

il mars

na vegnan betg a tanscher. Il motiv saja la chareschia ed en spezial pli auts custs per material da construcziun. La radunanza communala aveva dentant deliberà il credit.

Per il bajetg principal dal center da sport – che cumpiglia in'ustaria, gardarobas ed indrizs sanitars – vala per il mument in stop da planisaziun. Ina cumissiun s'occupia uss cun la dumonda co vinavant, ha confermà il president communal da Surses Leo Thomann envers RTR. Decisiva saja la dumonda dals custs: Nua stat ins actualmain e tge è pussaivel da spargnar?

audio
Surses: stop da planisaziun per La Nars
ord Actualitad dals 27.09.2022.
laschar ir. Durada: 3 minutas 8 Secundas.
Foto da Leo Thomann
Legenda: Suenter il Na a l'urna ha il president communal Leo Thomann tratg il frain. RTR

RTR novitads 15:00

Artitgels legids il pli savens