Grischun Central - L'hotel Cube a Savognin resta serrà l'enviern - Novitads

Grischun Central L'hotel Cube a Savognin resta serrà l'enviern

La vischnanca e l'organisaziun da turissem lavuran actualmain vi d'ina schliaziun per puspè avrir l'hotel tant pli spert. Uschia han ellas infurmà las medias il venderdi avantmezdi. Sin la stagiun d'enviern 2018/2019 na saja però betg pussaivel da surmuntar las differenzas.

Autur: Gion Gieri Flepp

L'hotel Cube ch'è vegnì serrà mez settember surprendentamain è cun ses 270 letgs il pli grond hotel en il Surses. L'iniziant da l'hotel e da la marca Cube è l'investur austriac Rudolf Tucek. Da sia vart ed insumma da la vart da Cube sajan las raschuns per serrar l'hotel tranter auter conflicts cun las Pendicularas Savognin, opiniuns differentas tranter l'hotel e la vischnanca sco er la cooperaziun manglusa cun l'organisaziun turistica Turissem Savognin Beiva Alvra SA.

Rudolf Tucek ha però signalisà ch'el fiss pront da vender l'hotel Cube. Tenor il president communal da Surses, Leo Thomann, n'èsi però ni per la vischnanca ni per las pendicularas in'opziun da cumprar il Cube.

audio

Saira: Avegnir intschert per l'hotel Cube a Savognin

ord Actualitad dals 02.11.2018.

laschar ir. Durada: 2 minutas 55 Secundas.

Daniel Fischer, il president da la Turissem Savognin Beiva Alvra SA, ha surpiglià la rolla da mediatur cun la finamira da schliar la situaziun bloccada. Sco el ha ditg envers RTR, saja la situaziun actuala sa dada cunzunt er perquai che la fidanza haja mancà, i na saja betg vegnì communitgà bain ed il spiert da team haja er mancà. Quai haja lu chaschunà conflicts fin sin livel giuridic.