Siglir tar il cuntegn
Inhalt

Grischun Central Kino sut tschiel avert – ma, l'enviern?

Radund 90 persunas han visità glindesdi saira il kino en la naiv a Lai. Anc enfin ils 25 da favrer datti a Lai l'emprim kino en il liber. En il focus stattan films da la regiun e films che han da far cun naiv, scriva Lai Marketing e Support SA en ina communicaziun.

L'emprima sairada da film è prest stada vendida ora.
Legenda: L'emprima sairada da film è prest stada vendida ora. RTR, F. Belotti

La pli gronda sfida per in kino d’enviern ora en il liber saja l’aura, di Seraina Schöb, manadra da products da la destinaziun da vacanzas Lai. Sper ils risicos sco naiv u vents vegnian tiers las temperaturas fraidas.

La tecnica sensibla stoppia vegnir protegida ed era per ils visitaders vegnia fatg tut per che quels stettian bain. La tribuna è fatga or da naiv. 150 ballas da strom e pels tschut duessan dar chaud.

RR actualitad 8:00