Siglir tar il cuntegn

Grischun Central Interpresa da Flem fa project da via tranter Tinizong e Rona

Il project che prevesa d’esser a fin il pli spert ha survegnì la lubientscha da la regenza grischuna. La megliuraziun dal Chant da Rona duai esser a fin il 2021.

La via tranter Tinizong e Rona.
Legenda: La via tranter Tinizong e Rona duai esser a fin il 2021. mad

La regenza grischuna ha approvà il project victur per la correctura da la via dal Güglia tranter Tinizong e Rona. L’incumbensa survegn la firma J. Erni SA da Flem. Quest project quinta cun custs da 14,5 milliuns francs.

En tut avevan otg interpresas inoltrà ina proposta da project. Il 2016 eran alura quatter projects vegnids tschernids.

Las lavurs han gia cumenzà e vegnan cuntinuadas tenor il project victur la primavaira 2018, scriva la regenza grischuna. La fin da las lavurs èn planisadas per il 2021.

RR novitads 10:00