La regenza grischuna ha approvà il project victur per la correctura da la via dal Güglia tranter Tinizong e Rona. L’incumbensa survegn la firma J. Erni SA da Flem. Quest project quinta cun custs da 14,5 milliuns francs.
En tut avevan otg interpresas inoltrà ina proposta da project. Il 2016 eran alura quatter projects vegnids tschernids.
Las lavurs han gia cumenzà e vegnan cuntinuadas tenor il project victur la primavaira 2018, scriva la regenza grischuna. La fin da las lavurs èn planisadas per il 2021.
RR novitads 10:00