Siglir tar il cuntegn

Header

Navigaziun

cuntegn

Inscunter internaziunal Cuschinar cun products regiunals è en il trend

La societad «Grischun Viva» ed il cuschinier Andreas Caminada èn s’entupads quests dis en il chastè da Farschno, per discutar davart sistems da nutriment persistents. Vegnids èn experts e cuschiniers da l’entir mund.

20 expertas ed experts da la gastronomia èn s’inscuntrads al «Future Dialog 2019», nua ch’igl è vegnì discutà davart il cuschinar a moda persistenta. Il cuschinier Andreas Caminada ha per exempel ditg, ch'el nizzegia nua ch'i saja pussaivel adina products regiunals. Il mument derivian radund 75% enfin 80% dals products che vegnian elavurads or dal Grischun u da la Svizra.

In tema era en l’exteriur

Jorge Vallejo che maina in’ustaria a Mexico City ha ditg, ch’era en sia terra saja impurtant, da cuschinar cun products regiunals. I na fetschia per exempel betg senn d’importar frajas da la Spagna, sch’ellas creschian er en l’atgna terra. E sco ses collegas en Svizra, giaja er el regularmain sin ils bains da purs, per pudair sa persvader da la qualitad. En il Mexico derivia radund 95% dal nutriment or da l’agen pajais, ha ditg il cuschinier da prest 40 onns.

RR actualitad 17:00