Da planisar l’inscunter da guggas naziunal a Savognin il mars che vegn cun las restricziuns actualas, fiss collià cun bler malsegirezza. Uschia argumentescha il comité d'organisaziun la decisiun da desister sin l'inscunter.
Sco ils organisaturs scrivan en in’infurmaziun a las medias, fissan tant il ristg finanzial sco era il ristg areguard la sanadad memia gronds. Actualmain saja la desditga la decisiun la sulet dretga.
L'elan na manca betg
Il proxim inscunter da guggas han ils organisaturs da Savognin dentant gia en mira. Quel duai avair lieu ils 12 e 13 da mars 2022. E tenor la communicaziun quinta la gugga Fetters Sursetters da pudair far la tura da tschaiver, dentant en in rom pli pitschen.
