Siglir tar il cuntegn

Header

Navigaziun

La Ela Card, la carta da rabat
Legenda: La Ela Card datti gia dapi plirs onns, pli baud aveva ella num Savognin Pass. RTR, F. Belotti
cuntegn

Grischun Central Ina carta turistica che vala era per indigens

Sco autras regiuns enconuscha era il Surmeir ina carta da rabat. Il spezial vi da la «Ela Card» è, ch’ella vala era per indigens. Da nov per tut ils abitants da la nova vischnanca Albula/Alvra.

Sco quai che Tanja Amacher, la directura da Savognin Turissem ha ditg, haja ins fatg in contract cun la vischnanca Albula/Alvra. Concret vul quai dir, ch’ils abitants da Alvaschagn e Brinzauls profiteschan da nov era da la purschida. Cun la carta èsi per exempel pussaivel, da cumprar bigliets da la Viafier retica cun 10% rabat, u las pendicularas da Savognin pon vegnir duvradas gratuitamain durant la stad. Sulet l’auto da posta en il Surses vala mo per ils turists, uschiglio èn las prestaziuns las medemas.