Siglir tar il cuntegn
cuntegn

Grischun Central In «Quadrin» per eveniments

«Quadrin event»: Uschia sa numna il nov product da la firma Uffer SA da Savognin ch’è sa spezialisada sin la producziun da moduls d’abitar. «Quadrin event» èn moduls da laina, che vegnan dadas a tschains per occurrenzas.

Fin duas alzadas aut po il modul vegnir empustà.
Legenda: Fin duas alzadas aut po il modul vegnir empustà. mad
L'emprim modul dal Quadrin Event che vegn il mument construì, è da vesair a partir dals 3 da december tar l'arena da Biatlon a Lantsch.
Legenda: L'emprim modul dal Quadrin Event, è da vesair a partir dals 3 da december tar l'arena da Biatlon a Lantsch. RTR, Federico Belotti

Ils moduls dal «Quadrin Event» vegnan transportads cun camiuns en containers da bastiments tar las occurrenzas, per exempel tar cursas da skis mundialas. Pir al lieu vegnan ils moduls installads.

Sco quai che Enrico Uffer, il manader e possessur da la Uffer SA ha ditg, dettia quai gia differents interessents per ils moduls. Quels pon vegnir adattads als giavischs dals clients. Ils moduls datti en differentas grondezzas fin tar duas auzadas.

In roboter surpiglia la lavur manuala

Actualmain vegnan ils emprims moduls fabritgads cun blera lavur manuala. A partir da l’auter onn duain ils moduls vegnir fabritgads d’in roboter, che surpiglia la gronda part da la lavur. Uschia possian ins spargnar custs da persunal, uschia Enrico Uffer. Dasperas il «Quadrin Event» producescha la Uffer SA era en l’avegnir la seria Quadrin Mono, chasinas da lain per vacanzas, e Quadrin modul, nua che plirs moduls vegnan prefabritgads e pir colliads l’in cun l’auter al lieu da destinaziun. Tenor quel sistem è quest onn vegnida fabritgada la Bever Lodge.

Legenda: Guardar il video Quadrins - innovaziun cun stanzas mobilas. Durada 03:11 minutas.
Or da Telesguard dals 22.11.2016.