Cun musica, glisch e groove porscher insatge per ils amaturs d'open airs. La premiera da l'Open Air Avras l'avust passà ha intimà ils organisaturs da cuntinuar. Ussa vegn perquai fundada ina uniun.
Luzi Stoffel, il giuven da 28 onns d'Avras Campsut, ha organisà cun collegas l'avust passà l'emprim Open Air Avras. Cun ina uniun che vegn fundada ils emprims d'avrigl vegn mess il fundament per la cuntinuaziun.
La premiera è stada in success ed ha intimà nus da cuntinuar
audio
Mezdi: Open air Avras - fundà uniun
02:33 min, ord Actualitad dals 28.03.2017.
laschar ir. Durada: 2 minutas 33 Secundas.
Il sem saja ussa mess, en l'avegnir ins veglia raccoltar, manaja il giuven pur e spera che l'Open Air Avras possia davantar e restar in open air en la regiun per la regiun. Els na sajan nagina concurrenza per auters open airs regiunals. Perquai hajan els er tschernì il mez avust sco termin per lur open air.