Siglir tar il cuntegn

Header

cuntegn

Grischun Central In nov directur per il Bus da Cuira

Ralf Kollegger da Malix è il nov directur da la Bus da Cuira SA. El surpiglia ses post l'emprim da matg 2017.

L'um da 49 onns è vegnì elegì dal cussegl d'administraziun da la Bus da Cuira SA. El vegn a surpigliar il post d'Alfred Janka ch'aveva bandunà ses post l'avust 2016 per motivs persunals. Per il mument maina Michaela Vehlhow provisoricamain l'interpresa. Kollegger vegnia tranter auter a realisar la nova strategia dals Bus da Cuira, da betg pli esser sulettamain in'interpresa da transport, mabain in'interpresa da servetsch da la mobilitad extendida, communitgescha la societad.

Sco anteriur president communal e deputà dal Cussegl grond saja Kollegger fitg entretschà ed enconuschia er il territori dal traffic public. Actualmain è Ralf Kollegger president communal da la vischnanca fusionada Curvalda. Da quest post vegn el a sa retrair areguard sia nova funcziun sco directur dals Bus da Cuira.

RR novitads 17:00

Artitgels legids il pli savens