Origen vuless dar nova vita a Mulegns. L'hotel «Löwen» duai vegnir mantegnì e la chasa alva vegnir spustada. Per realisar quai dovra la fundaziun enfin ils 11 d'avust 5,6 milliuns francs. Enfin ussa èn segirads 2,7 milliuns.
Legenda:
L'istoricher da Origen Basil Vollenweider sfeglia en ils vegls cudeschs dals giasts.
RTR, Federico Belotti
2 / 12
Legenda:
En quest cudeschs da giasts ha insatgì taglià ora ina suttascrizpziun.
RTR, Federico Belotti
3 / 12
Legenda:
Vista en ina chombra da l'hotel Liun che vegn anc oz dada a fit.
RTR, Federico Belotti
4 / 12
Legenda:
L'hotel ha gia vesì megliers temps.
RTR, Federico Belotti
5 / 12
Legenda:
L'hotel Liun ha gia vesì megliers temps.
RTR, Federico Belotti
6 / 12
Legenda:
Blers detagls en l'hotel Liun èn anc mantegnids enfin oz.
RTR, Federico Belotti
7 / 12
Legenda:
La vart davos da l'hotel Liun.
RTR, Federico Belotti
8 / 12
Legenda:
Qua èn da vesair las installaziuns da l'anteriura staziun d'electric dal hotel Liun.
RTR, Federico Belotti
9 / 12
Legenda:
Di da las portas avertas a Mulegns cun vista sin la Chas'Alva che Origen vul spustar.
RTR, Federico Belotti
10 / 12
Legenda:
Qua èn da vesair las veglias lingias da l'anteriura staziun d'electricitad da l'hotel Liun.
RTR, Federico Belotti
11 / 12
Legenda:
Quai è la fuschina veglia da l'hotel Liun.
RTR, Federico Belotti
12 / 12
Legenda:
Durant ils temps da las charrotschas da posta durmivan qua ils chavals.
RTR, Federico Belotti
Spustar in'entira chasa e mantegnair in hotel ed avair las finanzas enfin mez avust – quai è la finamira ambiziusa da la fundaziun Origen. Anc mancan dentant 2,7 milliuns francs ha ditg Giovanni Netzer a chaschun dals dis da las portas avertas la fin d'emna. «I mancan dentant er anc las respostas da las fundaziuns grondas dumandadas» ha Netzer ditg. Quellas hajan per il solit pli ditg per respunder.
Tut u nagut
Per mantegnair la valur cultur-istorica e per porscher ina soluziun optimala sajan da resguardar ils differents bajetgs da l'hotel e da la Chas'Alva sco unitad, ed uschia fetschia mo ina soluziun integrala senn, punctuescha Netzer.
audio
Saira: Origen – Sguard enavos cun istoricher Basil Vollenweider
03:36 min, ord Actualitad dals 24.06.2019.
laschar ir. Durada: 3 minutas 36 Secundas.
I fa prescha
Enfin mez avust ston ils daners esser rimnads per cumenzar anc quest onn cun las lavurs da spustar la Chas'Alva. Il 2020 daventa la via dal Güglia ina via naziunala ed alura saja in spustament probablamain giud maisa.
