Ils futurs scrivents rumantschs èn vegnids undrads

Diesch scolaras e scolars han cuntanschì l’emprim plaz en la concurrenza da scriver Plima d’aur/Pledpierla che la Lia Rumantscha ha lantschà. Ord da tuttas parts dal chantun èn vegnids inoltrads 208 texts.

Las victuras ed ils victurs dal Grischun Central cun ils segund e terz plazzads.

Legenda da maletgs: Las victuras ed ils victurs dal Grischun Central cun ils segund e terz plazzads. RTR, Federico Belotti

Il tema da la concurrenza da quest onn è stà «In di da nar». La giuria haja legì crimis, istorgias d’orrur, raquints davart auters planets, istorgias d’amur ed auter pli, scriva la Lia Rumantscha. Tut en tut ha la giuria giuditgà 104 texts ladins, 48 sursilvans e 56 texts en rumantsch grischun e sutsilvan.

Ina victura u in victur da mintga regiun dastga preleger sia contribuziun durant ils Dis da Litteratura (3-5 da november 2017) a Domat.

Victuras e victurs en in’egliada:

Grischun Central

  • 3./4. classa Viola Schneider, Ziràn
  • 5./6. classa Annina Jenal, Savognin
  • 7./9. classa Anina Gutsche, Savognin

Engiadina:

  • 3./4. classa Sandro Nuotclà, Ftan
  • 5./6. classa Flurin Bott, S-chanf
  • 7./9. classa Claudia Franziscus, Sent
  • 17-25 onns Milena Hug, Bever

Surselva:

  • 3./4. classa Jasmin Cabernard, Mustér
  • 5./6. classa Donata Ernst, Sagogn
  • 17-25 onns Chanel Monn, Segnas

RR actualitad 11:00

Annina Jenal, la victura da la categoria 5./6. classa prelegia ses text en il hotel Piz Mitgel a Savognin.

Legenda da maletgs: Annina Jenal, la victura da la categoria 5./6. classa prelegia ses text en il hotel Piz Mitgel a Savognin. RTR, Federico Belotti