Siglir tar il cuntegn
cuntegn

Grischun Central Il zar a Riom

Per la segunda stagiun d'enviern preschenta il festival Origen il teater musical «Il zar a Paris». Cun quest toc vegn er terminà il ciclus da la famiglia Carisch.

En la clavadeira Sontga Crousch vegn preschentà er quest enviern in teater muscial dal festival Origen.
Legenda: En la clavadeira Sontga Crousch vegn preschentà er quest enviern in teater muscial dal festival Origen. RTR, Federico Belotti

Origen sa preschenta quest enviern per la segunda giada er la stagiun fraida. Per Giovanni Netzer, l’intendant d'Origen, è la clavadeira il lieu ideal per reducir la pumpa da la chapitala franzosa, l'enturascha dal zar Nicolaus, al minimum.

«Uschia sa in solit element da la tribuna che na gartegia betg mussar quant spert ch'ins sa crudar en la dretga vita» resumescha Netzer l'idea davos l'inscenaziun dal teater musical.

Il Intendant dal festival Origen, Giovanni Netzer, fa er la reschia dal teater da musica "Il zar a Paris".
Legenda: L'intendat che fa reschia - Giovanni Netzer è il reschissur dal teater da musica «Il zar a Paris». RTR, Tona Poltera
«Souvenirs» da 12 onns Origen

La fin november preschenta Giovanni Netzer il cudesch «Souvenirs». In cudesch cun regurdanzas da l'anteriur schurnalist da la gasetta Neue Zürcher Zeitung NZZ Andreas Doepfner. «Il cudesch ha bleras fotografias» ha tradì Netzer, che conceda er ch'il giubileum da 10 onns Origen saja ì en emblidanza in zichel cun tut ils auters projects dad Origen.