Siglir tar il cuntegn
cuntegn

Grischun Central Il schef da 320 cuschiniers grillescha ad Andeer

El è in dals gronds cuschiniers: Stefan Trepp da Tusaun. Il venderdi saira ha el fatg in stop ad Andeer en il hotel Post, nua ch’el ha grillà ensemen cun l’ustier Benedikt Joos, ch’el enconuscha dal temp da l’emprendissadi ad Andeer.

Sco quai che Stefan Trepp ha ditg, veglia el far in plaschair a la glieud cun il grillar, la sonda stat anc sin il program in menu da sis plats, nua ch’el cuschina ensemen cun l’ustier dal hotel Post. Stefan Trepp è il schef cuschinier dal «Manadarin Oriental» a Bangkok, nua ch’el cuschina regularmain per il retg da la Tailanda. Era Roger Federer è gia stà tar el sin visita, e savens ha el era stars da Holywood sin visita. El è schef da 320 cuschiniers – e guarda per 12 cuschinas e 9 restaurants en il hotel da tschintg stailas.