Suenter ils emprims discurs è Urs Cadruvi, il secretari general da la Lia Rumantscha, cuntent: «Ins vesa ina gronda voluntad positiva da chattar ina buna soluziun». Per Cadruvi èsi per exempel impurtant, da pudair mantegnair tar la scola almain il status quo cun lecziuns en rumantsch (guarda video giusut).
Uffizi da vischnancas avert per il rumantsch
L’uffizi da vischnancas ch’accumpogna la fusiun sco cussegliader, è avert per il rumantsch en la nova vischnanca da la Val d’Alvra: «Il rumantsch che vegn vivì oz stuain nus resumar en la lescha, en collavuraziun cun la Lia Rumantscha essan nus da l’avis, che nus essan sin la dretga via», di Simon Theus, il manader da projects da l’Uffizi da vischnancas dal Grischun.
Mo Bravuogn ha il rumantsch sco lingua uffiziala
La fusiun da Bravuogn e Filisur è planisada sin l’entschatta da l’onn 2017. La lingua uffiziala da Filisur è tudestg, Bravuogn ha il tudestg ed il rumantsch fixà sco linguatg uffizial en la constituziun communala.
